Децата на возраст од 4 до 7 години ќе имаат можност и ова есен да посетуваат „Детски час за приказни“. Од октомври, секој четврток децата ќе учат англиски јазик преку игра и креативни вежби. За едукација на најмалите охриѓанчина ќе се грижат две волонтерки од Американскиот мировен корпус во Македонија и 4-ца волонтери од општинскиот Црвен крст, вели Мимоза Ставрева, координатор за организациско-стручни работи.
„Ние преку читање на приказни, кој ги имаме во изобилство од англиска литература, ги внесуваме децата во светот на приказните и бајките. Со тоа тие го слушаат англискиот јазик и учат нови приказни. Во втората половина од часот децата работат креативни вежби, пејат песнички и играат друштвени игри“ .
Дека добриот глас надалеку се слуша е се поголемиот број на заинтересирани родители кои ги запишуваат децата да го посетуваат проектот на Црвениот крст. Пред три години кога стартувал проектот „Детски час за приказни“ биле запишани 60 деца, а оваа година нивниот број е над 100, кажува Ставрева. Младен Божиновски е еден од четворицата волонтери кои се вклучени во работа со децата. За работата со најмалите Божиновски има само позитивни искуства. Вели уживаме во интерактивната работа со децата, програмата е квалитетна, а детските мозчина се како сунѓерчиња и ги впиваат сите нови работи, кажува Младен Божиновски волонтер ОО Црве Крст
„ Прекрасно е да се работи со децата. Во тек на часот се случуваат интересни работи. Ние возрасните како автoритети има што да ги научиме децата, но и ние имаме фид бек . Децата се многу креативни и има многу во нив иако се млади па и ние може да учиме од нив“.
За корисното органзирање на времето на децата во учење и игра родителите ќе треба да издвојат 1200 денари за три месечниот курс. Покрај посетата на курсот, децата ќе може да позајмуваат и сликовници од Англиската библиотека, која содржи над 2500 книги за возрасн и деца.
{loadposition content9}
