Одобрени 20 барања за поставување фотоволтаици во Охрид, а нови десет се во фаза на одобрување. Енергетската криза и поедноставените процедури го зголемија интересот за обновливи извори на енергија.
Најголем интерес има од страна на хотелските и индустриските капацитети. Проблем е што дел од хотелите не добиваат одобрение за фотоволтаични системи, бидејќи се наоѓаат во заштитеното подрачје, а Унеско не дозволува нивно поставување во 50 метри до езерото.
Интересот е голем и кај домаќинствата приватните потрошувачи меѓутоа и кај индустриските капацитети хотелиерите. Од 2019 година до десетти месец 2022 поставени и одобрени се 20 барања за поставување на фотоволтаици, најголемиот дел се поставени на индустриски капацитети – вели Богдан Настески Герман, од секторот за урбанизам Охрид.
Интерес има и кај домаќинствата, но досега одобрено е само едно барање за поставување соларни панели на индивидуална куќа. Дополнителен проблем имаат жителите на стариот град имаат проблем бидејќи им е забрането поставување соларни панели кои според УНЕСКО ја нарушуваат визурата и амбиенталниот лик на градот.
Инвестицијата е скапа, меѓутоа економската криза ги примора граѓаните да прават анализи и од она што во пракса е веќе изведено интересот бидејки е најголем кај индустриските капацитети веројатно тие наоѓаат економска оправданост за поставување. Додека кај домаќинствата ситуацијата е малку поинаква – вели Настески-Герман.
Иако станува збор за скапа инвестиција компаниите од охридско наоѓаат економска исплатливост велат од секторот за урбанизам. Со измените на законот има олеснување и за малите потрошувачи до 6 киловати.
Новинар : Соња Рилковска
