Во сабота, на 10-ти мај 2025 година, на повеќе локации, нуркачите од Нуркачкиот центар „Амфора“, заедно со 100 други нуркачи од земјата и регионот ќе го чистат езерското дно од секаков вид отпад. Ќе се чисти кај Градското пристаниште, Љубаништа, Заливот на коските, автокампот „Градиште“ и кај селото Калишта.
– Акцијата ќе започне на Градското пристаниште во Охрид во 11:00 часот. Целта на акцијата што се организира четврта година по ред пред главната туристичка сезона е заштита на биодиверзитетот, подигнување на свеста кај населението и зачувување на природната убавина на eзерото, потенцираат од Нуркачкиот центар „Амфора“ од Охрид.
