Во Охрид ќе се одржи голем меѓународен турнир во фудбал во организација на „FC Next Level” за шест категории на играчи.
Покрај домашните екипи, учество на овој турнир ќе земат и екипи од Црна Гора, Србија, Албанија, Бугарија и Косово. Турнирот ќе се одржи од 9. до 11. јуни.
Натпреварите од турнирот ќе се одиграат во Спортскиот центар „Билјанини Извори” во Охрид, каде целиот спортски комплекс ќе биде ставен во негова функција. Фудбалерите кои ќе настапуваат ќе бидат од генерација 2010 година, 2011, 2012, 2013, 2014 и 2015 година.
„Овој турнир ќе ја подигне спортската свест кај нашите учесници, ќе го поттикне натпреварувачкиот дух, социјализацијата и дружењето помеѓу децата преку основните фудбалски пароли: respect, fair play, no racism”, вели организаторот на овој меѓународен турнир за ТВМ.
