©2008 - Сите права се задржани. Powered by TVM.


Унеско

Охрид работи на зачувување на статусот на Унеско

Градоначалникот Пецаков очекува Унеско да има слух и Охрид нема да биде впишан на листата на загрозени подрачја.
 |  инфодеск  | 
Охрид за статус Унеско

Општина Охрид засилено работи на зачувување на статусот на Унеско. Градоначаликот Пецаков вели, се работи на секоја препорака одделно. Набрзо ќе следи Планот за управување и заштита на Студенчишкото Блато. Започна и решавањето на еден од најгорливите децениски проблеми, тоа се дивите депонии.
Југозападниот регион ќе формира ново, Јавно меѓуопштинско претпријатие за транспорт на смет.

Со изградбата на депонијата во Новаци, во иднина ќе се затворат охридската и струшката депонија. Исто така ќе се отстранат и сите останати диви локации кои предизвикуваат загадување на животната средина, што е една од клучните препораки на УНЕСКО.

Поставени се метални решетки на сите реки кои се сливаат во Охридското Езеро, со цел да се намали загадувањето.

Кирил Пецаков

„Најважно за нас како држава и како општина е дека имаме одлична соработка и заеднички учествуваме во спроведувањето на препораките. Мислам дека на крај ќе имаме успех, затоа работиме извештај по извештај, дел по дел. Меѓутоа, проблем е кога има 30 години да правиш нешто што не е уредено. Кое не е по правила и стандарди на Унеско, и сега во две или четири години да ги решаваме. Но, со наши напори се надевам дека од Унеско ќе имаме слух и се ќе биде како што треба“ – вели градоначалникот Пецаков.

Планот за управување со охридското крајбрежје е следното нешто на што се работи. Тоа е од суштинско значење, како и деталните урбанистички планови, најави Пецаков.

„Урбанизмот секако, или оној дел кој наназад бодел очи во Унеско или сме правеле така како што не треба. Би рекол дека тоа горе-долу или со 90 % е уредено. Останува уште мали финеси по однос на спратноста или искористеноста на парцелата. Сега имавме претставници од светското здружение на архитекти испратени од страна на Унеско, по однос на објектот Палас. Бидејќи и тој е заштитен, се размислува на кој начин би се реставрирал врз основа на статиката на објектот“ – вели Пецаков.

Што се однесува пак до плажите, и ова лето нема да има уредени капалишта бидејќи Агенцијата за просторно планирање се уште го нема изработено планот. Уредени плажи по сите еколошки стандарди според УНЕСКО ќе има догодина, велат од локалната. Најавија дека работат на препораките, Охрид да не се најде на листата загрозени подрачја.


Новинар Соња Рилковска

Со Вашата регистрација, неделно ќе добивате е-порака со најважните информации од регионот.


© 2008 - Сите права задржани. Поддржано од ТВМ ТелевизијА.
Back to Top