Градоначалникот на Охрид, Никола Бакрачески најави дека наредната недела треба да биде објавен тендер за субвенционирани авио летови од Охридскиот аеродром Св Апостол Павле. Станува збор за проект кој градските власти долго време го најавуваат. Тоа за почеток се однесува за летовите до Северна Италија, Цирих, Виена и Љубљана.
„Доколку добиеме зелено светло од антикорупциска комисија со оглед на тоа што сега влегуваме во еден изборен период и доколку добиеме зелено светло во текот на наредната недела ќе објавиме тендер за субвенционирање на летови. Се надевам дека авио компаниите кои пројавија интерес во изминатите неколку месеци и со кои разговаравме за воспоставување на редовни авио линии од аеродромот во Охрид ќе покажат интерес да се јават на овој оглас и најполволниот понудувач ќе почне да оперира со ваквите летови од мај или јуни оваа година“– изјави Бакрачески.
{loadposition content9}
