Охридските гејмери Ентити ја пишуваат сајбер историјата. Спектакуларните момци завршија први во својата група на Светското сајбер првенство кое годинава се одржува во Јужна Кореја. Ова е историски успех за Ентити, но и за Македонската сајбер репрезентација. Ова е прв пат после 8 години Македонија да ја помине групната фаза во ова натпреварување. Јован Каланоски-капитен, Јован Деребаноски, Александар Киселинов, Влатко Сековски и Анел Цековиќ-ова е составот на кантер страјк дружината Ентити. Но патот на овие момци не завршува тука. Веќе утре го продолжуваат нивниот победнички чекор. Ја пречекуваат репрезентацијата на Казахстан. Доколку победат, Ентити и Македонија ќе станат дел од петте најдобри екипи во светот. Да стискаме палци и да навиваме за нашите гејмери па нека ни се вратат и со медал.
{loadposition content9}
