Беберот Неат Алим е единствениот во охридско кој во својата берберска работилница бесплатно потстрижува сограѓани од ранливата категорија. Алим, познат на охридската чаршија како Шогун , заедно со својот практикант Емин секој ден недела одвојуваат време за да потстрижуваат луѓето кои не можат да си го дозволат тоа.
„Одлучивме еднаш во ден недела , секоја недела од 10 до 13 часот да одвоиме време за ранливата категорија граѓани кои не се во можност да го платат шишањето. Сакавме да им излеземе во пресрет и да ги потстрижиме бесплатно“, кажува Шогун.
Шогун за само еден месец, од кога почнал со својата хумана работа , вели дека потстрижил голем број луѓе. Споменува бројка од тринесетина луѓе на кои потстружувањето коса им е луксуз.
„Исклучиво шишање ако некој има поголема брада само му ја кратиме со машинка“, вели овој хуман млад човек.
Неат Алим Шогумн е бербер со 25 годишен стаж во занаетот. Се надева дека неговиот пример ќе го следат други хумани занаетчии и ќе одвојат време и ќе придонесат за што поеснафско однесување кон ранливата категорија сограѓани.
