Охридскиот регионален СОНК не дава поддршка за штрајк на 29 септември

Охридскиот регионален СОНК не дава поддршка за штрајк на 29 септември.

Охридскиот регионален одбор на СОНК не го поддржува генералниот штрајк на 29 септември. Тоа е став на членството на регионалниот одбор по претходното изјаснување на синдикалните  организации.  Членството во Охрид брои околу 900 синдикалци , а од регионалниот одбор велат дека повеќето од нив биле против штрајкот или немале кворум за работа. Од 21 организација колку што ги има во регионот,  13 синдикални организации се во образованието, 4 во културата, 3 во високото образование и една во детската градинка. Само една од овие  синдикални  организации и тоа од образовнието дала согласност за штрајкот.  

Охридскиот регионален Сонк негира дека во недавањето поддршка за штрајк  има политичка позадина. Според нив членовите на синдикалната организација се незадоволни од барањата на СОНК кои ќе се достават до министерството за образование, наука и култура. Сметаат дека барањата за штрајк се многу општи и непрецизни.  
Со ваквата одлука на Регионалниот Сонк од Охрид не се согласува СОНК. Претседателот на , Неделков нагласува дека без разлика на одлуката на синдикалните организации на регионалниот одбор  според Статутот генералниот штрајк важи и за охридските синдикалци. Над 80 проценти од членството на Сoветот на СОНК  се  изјаснаа за генерален штрајк, а тоа што охридскиот одбор не изгласал поддршка не значи и дека нема да биде во штрајк, вели Неделков.

„Тоа значи дека одлуката што Советот на СОНК ја донесе е обврзувачка и важи до сите наши членови без разлика како се изјасниле. Согласно Статутот на СОНК одлуката мора да се почитува во спротивно се крши статутот и заради тоа ќе има соодветни казни.“
 
Неделков  се произнесе и во врска со тврдењата на дел од охридските членови на СОНК во однос на  барањата кои ќе ги достават до МОН. Тоа е одбранбен механизам и  се работи за сосема нешто друго, смета Неделков.

„ Овде станува збор за чиста политика и притисок врз синдикалното членство кое јавно не може  да го каже заради свои сопствени лични причини и мора да се измислат изговори и одговори за да се забошоти вистината. Нашите барања се транспарентни, јасни и истакнати во јавноста, на нашата веб страна , и не се согласуваме дека не се јасни тоа се прашања со кои членството секојдневно регира до раководството“, укажува Неделков.

Претседателот на СОНК, Јаким Неделков, вели барањата поврзани со проблемите не се измислени туку реални. За нив јавно се расправало на синдикалните состаноци и не верува  дека постои синдикален член кој не сака да бидат надминати, додава Неделков.  Тој  ги набројува проблемите кои ги мачат синдикалците  како што се преголемите обврски и преоптовареност на наставниците и професорите,  екстерното тестирање пропратено со ригорозни казни  или зголемувањето на платите, за кои ќе бараат од МОН да бидат надминати. Неколку години досега се обидувавме по  пат на социјален дијалог да ги решиме, но без упсех. Сега сме принудени да ги примениме дозволените синдикални средства  како што е штрајкот, објаснува Неделков. Додава дека  очекува на 29 -ти септември, доколку не се случи нешто драстично, штрајкот да успее.

{loadposition content9}