Студентскиот дом „Никола Карев” од Охрид активно учествува во работата на Здружението на ученички и студентски домови на Југоисточна Европа.
Во Будимпешта се одржа состанок на стручните тела, како и работните групи на Здружението на ученички и студентски домови на Југоисточна Европа. Член на ова Здружение е и Студентскиот дом „Никола Карев” од Охрид, а во работата на состанокот активно учество зеде и директорот на домот, Жарко Куциноски.
На состанокот беа сумирани резултатите од основањето на здружението, па до денес. Исто така беа договорени идните правци на делување.
На состанокот беше присутен и Државниот секретар (на ниво на Министер во Владата на Унгарија) Золтан Маружа од кого добивме поддршка за понатамошната работата, како и идната соработка на Здружението – вели директорот на охридскиот студентски дом.
На состанокот била донесена одлука за местото и периодот на одржување на втората конференција на Здружението на ученички и студентски домови на Југоисточна Европа.
