Ова лето ќе има дерман за охриѓани и гостите од комарците. На крајот на месецов ќе се врши дезинсекција или запрашување против комарци, велат од Регионалниот центар за јавно здравје. Директорот на центарот, Атанаско Михаилов вели дека вреќе е разговарано со Градоначалникот со цел да се превземат потребните превентивни мерки на дезинсекција, дератизација и дезинфекција. 
Михаилов потенцира дека ова е единствен начин да се одбраниме од комарците во градов и додава дека минатогодишното авионско прскање воопшто не било продуктивно. Поради тоа годинава дезинсекцијата ќе се прави со специјални топови, директно во леглата на комарците и тоа во три наврати, на крај на месецот, на крај на јуни и на крај на јули. Од регионалниот центар велат дека станува збор за комплициран третман.
Најзаинтересирани за овој третман се граѓаните бидејќи станува збор за нивното здравје. Убодот на комарците покрај што е непријатаен и предизвикува пликови и чешање може да биде и многу поопасен.
Освен проблемот со комарците, Директорот на центарот за јавно здравје алармира и за проблемите со глувците. Граѓаните јавуваат и за наезда од глувци. Михаилов вели дека во половина од 6300-те шахти од градов е приметен зголемен број глувци. Тој додава дека во догледно време мора да се изврши и дератизација доколку се сака да се избегне поголема катастрофа.
{loadposition content9}
