Охриѓанката Весна Коцевска, на Инстаграм позната како whisper.ves, ја доби наградата за најдобар травел инфлуенсер од Македонија на Самитот за социјални медиуми кој викендов се одржа во Сараево.
–Ова не е само награда – ова е доказ дека трудот, доследноста и љубовта кон она што го правиш се исплаќаат. Вчера во Сараево, на SOCIAL MEDIA SUMMIT ја добив наградата за TRAVEL INFLUENCER од Македонија, бев избрана во ТОП 5 за регионот. Прекрасна организација и настан за кој вредеше да се пропатуваат многуте километри. Ви благодарам на сите што верувавте во мене – ова е наша ЗАЕДНИЧКА победа, напиша Весна во својата објава на Инстаграм.
Весна на својот профил изрази благодарност до организаторите на самитот, но и до својата заедница која ја следи и ја поддржува.
Изборот на добитници на овие престижни награди од секоја земја го направи хрватската агенција Hypefy, по детална анализа на содржините, растот и влијанието на инфлуенсерските профили во изминатите дванаесет месеци.
