„Во врска со објавите на социјалните медиуми за водата која се влива во реката “Црн Дрим“ пред Мостот на Поезијата, сакаме да ја известиме јавноста дека се работи за зголемена матност и содржина на железо.
Оваа вода, се јавува периодично при автоматско чистење на филтрите од топлотните пумпи на Хотел Дрим, кои служат за затоплување и ладење.
Апелираме до порталите да не шират дезинформации во јавноста, а за конкретни информации да се обратат кај надлежните служби на Општина Струга.
Во понеделник екипа од Јавно здравство Охрид, ќе направи анализа на водата и за тоа ќе бидете благовремено известени.“-се вели во соопштението на Општина Струга.
