Советот на општината на вчерашната 20 та седница ја дополни Годишната програма за развој на образованието за 2023 година со уште една мерка-еднократна финансиска поддршка за учениците од завршните одделенија на основното образование/полуматурантите, со која општината ќе додели по 5.000 денари на секој ученик кој го завршува основното образование.
Исто така, до крајот на учебната година ќе бидат реализирани и другите мерки за учениците и тоа:
-доделување парична награда за првенец на генерација и ученици на генерација,
-доделување на парични награди на сите ученици кои учествувале и освоиле награди на државни натпревари,
-исплата на ученичките стипендии за учениците од средното образование.
-исплата на студентските стипендии.
Општината континуирано практикува мерки за мотивирање на учениците за постигнување подобри резултати и тоа ќе продолжи да го прави и во иднина, вели градоначалникот Зоран Ногачески.
