Опозицијата во градскиот совет, на почетокот на денешната седница, предложи итна расправа за состојбите во ОУ „Григор Прличев“. Побараа информација од службите на градоначалникот за настанатиот проблем. Со 8 гласови „За“ и 13 „Воздржан“, советот не го прифати предлогот.
Димитар Спасеки , секретарот на локалната самоуправа, за медиумите изјави дека работат на 2 акциони планови за одблокирање на сметаката на училиштето.
Уште вчера се воделе преговори со адвокатските тимови на сопствениците кои ја блокирале сметката и можноста за времено одблокирање на сметката. Потенцира дека се обезбедени средства кои треба да се трансферираат до училиштето. Размислуваат и за друга опција. 
„ Секако согласно законската регулатива ќе се рагледа и можноста дали ние како оснивачи на училиштето, за друг правен субјект како што е Григор Прличев , може директно да ги измириме обврските кон ЕВН, Телеком и останатите на кои училиштето им должи“, рече Спасески.
Додека се најде најповолната опција за училиштето да добие струја, учениците трет ден учат без греење со скратени часови.
{loadposition content9}
