Во врска со денешните случувања околу полагањето државна матура како институција засегната во случајот со нашата ученичка сакаме да ја информираме јавноста дека искрено жалиме што се случува ваков несакан проблем и наша заложба е да помогнеме и да излеземе во интерес на матурантката и родителите, се вели во соопштението кое од ОСУ „Св. Климент Охридски“ го објавија на нивната веб страна. Ова доаѓа откако ТВМ и низа други медиуми во државава објавија дека матурантка од охридската гимназија ја немало на списокот за државна матура, со што и било ускратено правото да полага.
„Сакаме да потенцираме дека списоците за верификација на податоците за државна матура беа доставени на увид кај учениците уште на почетокот на второто полугодие, а потоа доставени до ДИЦ. И покрај напорите на училиштето да се реши ситуацијата, сепак не се наиде на разбирање од страна на надлежните институции.“ – велат од гимназијата.
Додаваат дека на ученичката ќе и биде дозволено да ги полага двата интерни испита во училиштето во јунската испитна сесија, а тоа што останува во августовската испитна сесија.
Матурантка од Охрид обесправена, ја нема на список за полагање државна матура | Портал ТВМ (tvm.mk)
