Најголемиот охридски автопревозник АД „Галеб“, после драстичниот пад на цента на нафтата на светските берзи, нема да ги корегира цените. Раководителот на сообраќај од ова претпријатие Димитар Василески нагласува дека охриѓани години наназад нивните услуги ги користат по најповолни цени, посебно за меѓуопштинскиот превоз.
„Ние своевремено ги намаливме цените во времето кога нафтата направи најголем ценовен скок и тие се симболични и во градскиот и во градско приграскиот сообраќај а цените во меѓуопштинскито сообраќај не се поскапени преку 6 години, така да цените се минимални и нема никаков простор за корекција на цените“ – вели Василески.
Василески потенцира дека нивниот став по ова прашање ќе остане непроменет се додека извесен период се задржат цените на нафтата, а дополнително прашање било дали тие се реални на светската берза.
„Ако се задржат подолго време овие цени или се намалат постои во секој случај можност за ревидирање на оваа одлука засега како можност стои за корекција на цените ако се задржи цената ако се задржи цената на горивото и ако продолжи да паѓа“– изјави Василески.
Василески информира дека нивните поволности посебно на цената на билетот најмногу ги чуствувале студентите и учениците од меѓуопштинскиот превоз. Според него тие биле единствени превозници во државава кои на учениците им овозможувалешто користење на месечниот билет надвор од термините кои се предвидени за ученички превоз.
{loadposition content9}
