Македонски археолози и архитекти учествуваа на работилница за дигитализирање на културното  наследство. Нивни колеги од Сај Арк им ја презентираа технолгијата која ја користат за активно управување со локалитети и објектите. Министерството за култура  ја избра црквата Св. Софија  да биде дигитално документирана од страна на Сај Арк.

На состанокот на управниот одбор на Унијата на општини, што вчера се одржа во градот Гебзе, во Турција, беа разгледувани можностите за соработка помеѓу општините во реализација на проекти.

Безбедносната состојба во охридските основни и средни училишта е релативно добра но потребна е понатамошна поинтензивна соработка меѓу менаџерскиот тим на овие институции и полицијата со цел да се намалат одредени ризици и состојби кои предизвикуваат загриженост кај децата и родителите, ова беше заклучено на првиот работен состанок на Локалниот совет за превенција при СВР Охрид, што денес се одржа во општина Охрид, а на кој учествуваа  претседателката на општинскиот совет, Живка Ангелоска  и заменик градоначалникот  Константин  Георгиевски.

Согласно  активностите на Г1 програмата за локален економски развој на Општина Охрид за 2018- та година, синоќа во големата сала на Општина Охрид се реализираа советувања и обука за процесот на сертификација на производство на органска храна. Обуките ги одржа  Горан Колев, овластен контролор на целокупниот опсег на сертрификација на органска храна од Про Церт.

Утре на  26.10.2018 година,  со почеток во 12 часот, во големата сала на општина Охрид, ќе се одржи презентација на проектот „Реконструкција на Кеј Македонија“,каде пред присутните ќе биде презентиран овој исклучително важен проект, за што потоа предвидено е да следи дискусија.

На иницијатива на Општина Охрид и по подготовка на целокупната документација од Одделението за заштита и влијание врз животната средина, неодамна Владата на Република Македонија ги прогласи седумте чинари од Охрид за природна реткост.

Овој фантастичен успех постигнат на шестиот Национален БРЕИНОБРЕИН натпревар е само потврда дека Центарот за развивање на животни вештини БОБ-Црвен крст Охрид,  е најјуспешен во Македонија.

Земјоделците и овоштарите тешко ги менуваат  навиките за примена на соодветни агротехнички мерки.  Повеќе од потребни се стручни предавања со кои ќе се подобрува  производството на здрава храна и ќе се заштити  почвата.  Купувачите се повеќе бараат  здрави земјоделски производи.