Охриѓани и пациенти од регионов повторно добиваат компјутерска рендген дијагностика на Одделот за радиологија при Општа болница Охрид. Проработе томографот кој цела година беше нефункционален поради потребата од нова рендгенска цевка.

Од ОК на ВМРО ДПМНЕ со прес конференција го критикуваше охридското здравство. Критиките се  упатени за старите и нереновирани болници, расипаните медицински апарати и вработувањето на медицински сестри во Општа болница Охрид.  

Од локалната самоуправа ги повикуваат граѓаните (физички и правни лица) кои сметаат дека невремето проследено со врнежи од дожд, град и ветер кое го зафати подрачјето на Општина Охрид во петокот, 17ти август, им има нанесено материјална штета на нивните имоти ( угостителски објекти, станбени објекти, земјоделски објекти, деловни простори и друго.) , истата да ја пријават во просториите на општина Охрид.

Отворената забавна фудбалска школа собра над двеста деца на терените на СРЦ         „ Билјанини Извори “. По петти пат охриѓанчињата  ќе се дружат и ќе  се поттикнуваат на здрави животни навики. Градот и државата треба многу малку да направат за децата масовно да  спортуваа , предлагаат професорите по спорт.

Запален автомобилот на охридскиот адвокат Мишел Наумоски. Тој пред камерата на ТВМ открива дека синоќешниот инцидент е последен во низата закани кои ги добивал. Вели дека се чуствува несигурно и очекува сторителите да бидат изнесени пред лицето на правдата.

Поради постоење основи на сомнение за сторено казнено дело „ширење на расистички и ксенофобичен материјал по пат на компјутерски систем”, СВР Охрид поднесе кривична пријава против В.Н.(36) од Штип.

Опомена од Агенцијата за храна и ветеринарство за начинот на кој општина Охрид се справува со проблемот со кучињата скитници. Градоначалникот Јован Стојаноски решението на проблемот го гледа во изградбата на регионалнен стационар како проект на  Центарот за развој на Југозападниот плански регион. Од таму оптимистичка најава дека до крајот на годинава ќе биде завршен делот со техничката документација.

Пливачката федерација на Македонија во Охрид ги  носи пливачките ѕвезди во маратонско пливање. На 10 км утре во водите на Охридското езеро ќе пливаат аргентинците  Морено и Бертола, бугаринот Ајдарски, холанѓанеоцт Шоутен. Од македонските пливачи на маратонот ќе пливаат Александар Илиевски и Евгениј Поп Ацев, а за прв пат во женска конкуренција и Ева Петровска.