Во Националниот парк Галичица во овие летни денови посетителите се движат слободно без забрани заради појава на пожари. Ренџерите деноноќно ја чуваат планината од шумски пожари. Во националниот парк има се повеќе туристи кои трагаат по планински авантуризам. Паркот воспоставил соработка со туристичките агенции кои се во постојан контакт со ренџерите на паркот.

„Потфрлување на топката“  најдобар расказ за 2018та година.  Стручното жири едногласно го избрало овој расказ од 50тина пријавени творби  на конкурсот на општина Охрид по повод манифестација Вечери на Живко Чинго.

„Девојчето со жиците“ интимна драма, поставена во позадината на општествените случувања во современа Европа вечерва во рамки на драмската програма на годинешното издание на „Охридско лето“.

Јавните тоалети нe проработија во екот на туристичката сезона.Од ЈП Комуналец тоа го правдаат со пропаѓање на два тендери за електронскиот систем на наплата. Оптимистички велат дека за 10-тина дена ќе бидат ставени во функција петте  ново изградени санитарни контејнери.

Родителите на децата со церебрална парализа од Охрид бараат Дневен центар за згрижување, нега и анимација на оваа категорија лица. Се жалат велат нивните деца се диксриминирни и исклучени од општеството. Проблемот го пријавија во рубриката „Ти си твојот град“ на ТВМ телевизија.

Охридските акцијаши најдобри на големата акција за чистење, „Скопје на дланка“. Во оваа акција организирана по повод 55 години од катастрофалниот земјотрес во Скопје на која учествуваа уште 200 акцијаши од поранешните југословенски републики. Градоначалникот на Охрид, Јован Стојаноски, денес  ги прими акцијашите  и за постигнатите успеси им додели благодарници со надеж дека во иднина активно ќе се вклучуваат и во секоја акција за чистење на Охрид. 

Соочувањето на државата со можно сценарио на катастрофален земјотрес што би го зафатил Охридско-струшкиот регион и начинот на искористувањето на своите ресурси, како и помош од партнерите од НАТО во услови кога се исцрпени сите постоечки капациети за справување со кризата, е сценариото на големата вежба на НАТО „Македонија 2021“ што деновиве ќе се одржува на повеќе локации во Охрид и Струга.

 Од организацијата на потрошувачи предупредуваат купувачите да  ги читат декларациите на прехранбените производи. Укажуваат на состојби со поставување на лажни слики како трикови кои се користат за означување на храната  во трговијата. На производите се ставаат слики кои не се соодветни за содржината во прехранбените артикли.