Манифестацијата „Поетска ноќ во Велестово“ годинава одбележува тридецениски јубилеј. Тридневната програма започнува утревечер на Чешмата во живописното Велестово со промоција на своевидно капитално дело, збирка на македонска поезија на 21от век.

Скопскиот Театар Комедија настапува на Охридско лето со „Мизантроп“ од Молиер. Претставата е сериозна комедија со поглед во човековата душа пишувана во 17 век, актуелна и во денешно време. Премиерната изведба на „Мизантроп“ е дело на меѓународна соработка на македонските актери со црногорски тим на театарски уметници.

Тројца професори од средните училишта и тројца ученици од основно училиште се позитивни на коронавирус во Охрид. Нивните класови се во изолација. Според локалната самоуправа и покрај тоа што има поединечни случаеви на заболени, наставата во останатите охридски училишта непречно се одвива.

Од денес до 22-ри јули Охрид ќе биде домаќин на првото издание на фестивалот на нов европски филм „Beach film festival“.

Пет девојчиња кои биле качени на педалинка ќе настрадале во близина на плажата Немо. Овие реквизитите за забава во вода сеуште преставуваат најголема опасност во летниот период. Тие не се ставени под законска контрола, а капачите многу често вршат претовар или пак се качуваат на педалинка без задолжителните елеци за спасување. Додека не се донесе закон со кој ќе се регулира користењето на овие реквизити на вода се апелира до инспекциските служби и до полицијата да бидат побудни и поригорозни во контролите.

Жителите на Стар град не бараа рампи и не се должни да плаќаат за картички, кажа Кирил Пецаков од ВМРО ДПМНЕ на денешната прес конференција. Од ОК на ВМРО ДПМНЕ бараат Градоначалникот да го поништи решението. Обвинуваат дека зонското пракирање и режимот на сообраќај во стариот дел на градот се избрзани проекти со низа недостатоци.  

Јане Петков, кој постави гинисов рекорд на Охридското езеро и стана познат како човекот амфибија кој плива со врзани раце и нозе со ланци и во вреќа им  откри на охриѓани дел од тајните кои му помагаат при неговите подвизи. Петков  открива дека практикува јога, вештини на користење на мислата и концентрацијата. Планира да отвори училиште за млади на кои ќе им го пренесе знаењето за да постигнат резулатати во  спортот и да го сочуваат своето здравје. 

Уште една природна реткост ќе се искористи за туристички цели. Поствулканската појава Дувало ќе се заштити и  ќе се промовира со цел истата во иднина да стане атрактивна туристичка дестинација. Проектот, кој се спроведува од страна на Здружението за одржлив развој “Синиот Проект” од Охрид, е дел од Програмата за подобрување со управувањето на заштитените подрачја, финансирана од Европската унија, а имплементирана од Програмата за развој на Обединетите нации во партнерство со Министерството за животна средина и просторно планирање.