Одложена е Јавната расправа по нацрт законот за прогласување на Студенчишко блато за Парк на природата.

Археологот и конзерватор Никола Упевче со огромна љубов, трпение но и знаење изработи  мозаик со мапа на кој е преставено старото градско јадро. Тоа не е само уметничко дело пред кое посетителите ќе се воодушевуваат туку оваа мапа е направена со таква прецизност и точност што ги опфаќа сите важни културно историски знаменитости со нивните карактеристики и скриени пораки. Тој се надева дека мозаикот ќе биде поставен на некое порепрезентативно место во градот каде ќе имаат можност да го видат и охриѓани, но и гостите кои доаѓаат во Охрид.

Еколошката акција „Мој Охрид – Чист Охрид“ обедини 1200 охриѓани но и вљубеници во Охрид од други градови, во намерата да се исчисти отпадот од крајбрежјето и да се упати порака за еколошко освестување. Акцијата мотивира и многу граѓани да се самоорганизираат, па така се чистеше и во дворови на згради, училишта, станбени и деловни објекти.

Проширените зони на паркинзите и највата за наплата на паркинг на улици каде никогаш порано немало таква пракса,  ја разбрануваа охридската јавност. 

Звуците на Билјана платно белеше ќе се разлеат во Св. Софија. Градскиот хор Вокс Лихнидос неа и уште единаесет нумери ќе ги изведе на својот годишен концерт кој ќе се одржи наредната недела. Охридскиот градски хор постои повеќе од 60 години и работи исклучиво на ентузијазам и љубов на оние кои ја сакаат хорската музика.

Започнува „Баскерфест“. Во овој театар на отворено кој што ќе се одвива низ охридската чаршија и градскиот плоштад ќе можат да уживаат сите кои сакаат интерактивна забава. Артисти од целиот свет ќе изведуваат перформанси од кои застанува здивот.

Либерализацијата на пазарот со новиот Закон за енергетика ќе им стави крај на монополите а на граѓаните ќе им се намалат трошоците и ќе бидат заштитени од евентуални ценовни шокови кај електричната енергија. Ова го истакна денеска вицепремиерот за економски прашања Кочо Анѓушев на Меѓународната енергетска конференција „Македонски енергетски форум – 2018“ што денеска и утре ќе се одржува во Струга во организација на Владата на Република Македонија, АД ЕЛЕМ, Амбасадата на САД и институтот ЗИП.

ОУ „Братство и Единство“ ќе добие нов и комплетно опремен објект и спортска сала како донација од  турската агенција за  соработка и координација ТИКА. Градоначалниокот на Охрид и претседателот на агенцијата за Блаканот потпишаа меморандум за реализација на овој проект.