Ракометна пролетна полусезона од недела во Охрид. На градскиот ракометен клуб за пласман во плејофот му се потребни 5 победи, а прв противник е Бутел. Скопската екипа е традиционално најнезгодниот противник за „Гладијаторите“, па затоа повеќе од потребна е поддршката од трибините.

Со ротации и соработка помеѓу болниците во охридско-струшкиот регион се надополнува недостигот на кадар. Во болниците недостигаат специјализанти, а за надминување на овој проблем потребно е спојување и регионализација на петте болници во еден клинички центар.

Се очекува подобрување на состојбите во туризмот, но за враќање во нормала и постигнување на бројот на гости од 2019 година, сеуште не може да се зборува. Во март ќе започнат Балканските тури со гости од Малесија и Турција. Туристичкиот сектор почна да се вмрежува, се одржуваат и саемите за туризам.

На предглог на градоначалникот Спасе Кочоски, а прифатен од членовите на  Советот на општина Вевчани, донесена е одлука старата училишна зграда да го носи името на Коста Србакоски.

Во него се поместени охридски автори од времето на преродбата па се до осовременувањето на Македонскиот јазик. Оваа книга придонесува за зачувување на делото на Прличев и продолжување на нашата традиција и корени.

Досегашните вежби во сите општински школи покажаа дека оперативните планови за евакуција ги задоволуваат пропозициите предвидени со законот. Некои пропусти ќе треба да се корегираат во иднина, а од локалната самоуправа ќе постапат согласно нивните ингеренции.

Учениците и присутните се потсетија на Прличевата мисла „Блазе си му на оној што со труд се извишува себе си“. Оваа порака од големиот Прличев се пренесува од генерација на генерација ученици кои образованието го стекнуваат во училиштето кое со гордост го носи неговото име. 

Општина Дебрца објави конкурс за доделување стипендии на одлични ученици од општина Дебрца, запишани на јавните и приватните средни училишта во Македонија, како и на редовни студенти од општина Дебрца, запишани на додипломски студии од прв циклус на јавните и приватните универзитети и високообразовни установи во Македонија за учебната 2021/2022 година.