Болниците пренатрупани со немедицински и непотребен персонал. Во охридската болница има вкупно 520 вработени, од нив, само 70 се лекари специјалисти. Поради недостиг на финансии, последниве години лекарите не се праќаат на едукација во странство. Застарената опрема, условите за работа и ниските примања се причина што голем дел од специјалистите ја напуштаат државава.

Пештанци обвинуваат во АК Градиште се гради и нема одстранување на нелегалните објекти. Продолжува да се гради и покрај препораките на Унеско и спорот со имотно-правни односи. Повикуваат Градоначалникот и Премиерот да се заложат кај институциите да се почитуваат законите.

Хотелиерите во охридско- струшкиот регион нудат 10.000 легла за бегалци од Украина. ХОТАМ до владата достави листа на достапни објекти. Иако поради инфлацијата пораснаа цените и во хотелско-угостителскиот сектор, од ХОТАМ велат цените за украинските бегалци ќе бидат далеку пониски во однос на оние во европските земји.

Зголемен водостојот на Охридското езеро за еден сантиметар. За осум сантиметри е понизок од просечниот за март, според последните мерења на Управата за хидрометеоролошки работи.

Завршена реконструкција и пренамена на старата училишна зграда во село Брежани Општина дебрца во планинарски дом.

Иднината на Унеско статусот е во рацете на младите охриѓани. Тие се иден коректор на штетните политики кон заштитеното културно и природно наследство. Стекнуваат свесност и менаџерски дух како да се справат со проблемите во иднина.

Се продлабочува проблемот со недостиг на педијатри во охридско-струшкиот регион. Детското одделение во Охрид речиси половина година работи само како амбуланта, а децата се лекуваат во Струга. Лекарите се загрижени во пресрет на престојната туристичка сезона, кога проблемот дополнително ќе ескалира. Бараат министерството за здравство да изнајде соодветно решение.

Општина Охрид, на граѓаните кои ќе купат нов велосипед ќе им надомести дел од трошоците направени при купувањето.