Амбасадата на Јапонија во Скопје на втори февруари годинава ќе одржи предавање на тема „Балансирање на зачувување на животната средина и регионална/туристичка промоција на Охридското Езеро преку соодветно управување со местата на светското наследство“ од страна на јапонски експерти.

Градоначалниците од Југозападниот и Пелагонискиот плански регион остварија средба со министерот за животна средина и просторно планирање, Насер Нуредини, на која се презентираа идните активности кои се однесуваат на воспоставување на систем за управување со отпад за овие региони.

Нови авио чартер линии за зголемување на бројот на туристи во 2022 година, најавуваат од Агенцијата за поддршка и промоција на туризмот. Се работи на авио поврзување со Измир, Тел Aвив, Белград и други дестинации. Впечатоците од претставувањето на туристичките потенцијали на земјава на саемите во регионот се позитивни.

Денешната 8-ма седница на Совет на Општина Охрид беше прекината поради технички причини. Советничката група на СДСМ пред да биде прекината седницата побара пауза за координација по однос на точки на дневниот ред кои се однесуваат на легализации на дивоградби во близина на крајбрежјето и во НП Галичица. Претходно и активистите од ОХРИД СОС побараа спорните точки да бидат повлечени од дневен ред затоа што се на штета на светското наследство и спротивни на препораките од УНЕСКО.

Владата го усвои новиот закон за легализација на дивоградбите и ќе го достави пред пратениците. Нема да може да се легализираат дивоградби изградени во границите на Охридскиот регион, а за кои е утврдено дека не се во согласност со Планот за управување со Светското природно и културно наследство во Охридскиот регион, во граници на заштитени подрачја и тоа Зона за строга заштита и Зона за активно управување, објекти изградени во споменичката целина на Старото градско јадро на Охрид, како и објекти изградени во подрачје на заштитено недвижно културно наследство, кажа на денешната прес конференција Министерот за животна средина и просторно планирање, Насер Нуредини. Ќе можат да се легализират дивоградби изградени до 1 јануари 2021 година.

Повисока минимална плата или штрајк се заканува Сојузот на синдикати на Македонија (ССМ) кој по одлагањето на денешната средба во владата најави дека ќе ги активира штрајкувачките одбори.

На 01.12.2021 околу 21 часот во автокамп во Охрид, полициски службеници од Одделението за недозволена трговија со дрога при СВР Охрид ги приведоа и лишија од слобода М.М.(34) и М.К.(24), двајцата од струшкото село Драслајца.

Националната установа „Охридско лето” за реализација на годинешната уметничка програма на Фестивалот, кој се одржува од 12 јули до 20 август, од Министерството за култура доби 32 милиони денари што е значително повисока сума за разлика од изминативе две години кога финасиската поддршка изнесуваше околу 20 милиони денари.