Турчин од Кушадаси – успешен земјоделец во Охрид. Акин Сезер веќе десеттина години живее во Охрид, на бавчата во „Андон Дуков” сади органски садници со семиња донесени од Турција. Сторија на Соња Рилковска.

Побараа да се зачуваат липите и костените и да се најде друго решение за реконструкција на булеварот. Екологистите бараат средба со охридскиот градоначалник Кирил Пецаков за да се сопре сечата на дрворедот засаден во педесеттите години од минатиот век.    

Екипите на „Јавна хигиена“ спроведоа активности за расчистување на ул. „Кленоец“ и ул. „Радојца Новичиќ“. Темелно се расчистуваа тротоарите, просторот околу тротоарите и граничниците од коловозот. Отстранета е ниска и дива вегетација и подигнат е расфрланиот отпад.

Директорката на најголемата и најзначајната музичко-сценска манифестација во земјава „Охридско лето“ Наташа Поповиќ, на Генерално собрание на Европската фестивалска асоцијација (ЕФА) што се одржа во Гелвеј, Ирска, ја доби титулата почесен делегат. Во конкуренција од 170 делегати од европските фестивали-членки на Асоцијацијата само 5 се здобија со оваа почесна функција. На најголемиот собир кој се одржа од 22 до 24 ноември присуствуваше културната елита од Европа, а Фестивалот „Охридско лето“ стана една од најуспешните приказни кој ги негува културните високи уметнички дострели според европските и светските стандарди.

3.280 000 денари се кратат од буџетските ставки предвидени за реконструкција на улиците Будва и Прилепска. Активностите на терен за изведба на атмосферска и фекална канализација на овие улици нема да запрат, уверуваат од Сектор за комунални дејности сообраќај и улици. Средствата кои во овој буџет се кратат ќе се предвидат во нацрт програмите за буџетот за следната година.

Екипи на ЈП „Нискоградба“, работат на поставување нова фекална канализација на улиците „Будва“ и „Винковачка“. Увид на градежните зафати направи градоначалникот Кирил Пецаков.

Земјата се соочува со голем проблем со вселенскиот отпад. Овој проблем ќе се влошува како што расте бројот на компании и влади што лансираат сателити, летала, па дури и туристи во вселената.

Градоначалникот на Општина Дебрца, Зоран Ногачески, информира дека се исчистени дивите депонии во месноста “Селиште”, кај црквите “Св.Василиј”, “Св.Јован” и “Св.Атанасије”, село Белчишта.