Во охридско-струшкиот регион недостигаат готвачи и шефови на кујна. Ниските плати и рестрикциите во пандемијата главни причини за одливот на вој стручен кадар во странство. Здруженијата на готвачи од регионот се обидуваат да помогнат и да ги мотивираат младите, за таа цел спроведуваат забрзани курсеви за готварство.

Одлични резултати на охридските бреинобреин генијалци на 7-от Интернационален Бреионобреин натпревар кој на онлајн платформа се одржа на 29-ти јануари 2022 година. Во конкуренција од 23 илјади учесници од 72 земји, учениците од Центарот за развивање животни вештини БОБ-Црвен крст Охрид освоија 8 трофеи, 14 златни медаљи и 33 сребрени медаљи.

Неисчистените оџаци пак, и понатаму се на врвот од најчестите причини за интервенција на пожарникарите. Упатуваат предупредување, граѓаните  да внимаваат при купување на продолжни кабли и на проодноста на оџаците.

Петнаесеттина пациенти се преселени на Инфективното одделение по протекување на вода во внатрешноста како резултат на кондензација во објектот. Министерството за здравство е известено и треба да преземе мерки за санирање на проблемот, информира директорот на охридската Општа болница.

Со новите снежни врнежи кои го зафатија охридскиот регион уште од синoќа дежурните екипи на Ј.П.„Охридски Комуналец” излегоа веднаш на терен.

Долгот на Општина Охрид изнесува околу 857 милиони денари или 14 милиони евра. Во 2019 година со финансиска помош на Владата за раздолжување на општината тој беше намален на околу 530 милони денари, а во физибилити студијата која ја усвоија градските советници и дадоа зелено светло за конечно раздолжување преку земање кредит долгот изнесуваше 296 милиони денари. Градоначалникот Кирил Пецаков, на прес-конференција информира дека само во текот на предзиборниот период, пред почетокот и во текот на кампањата долгот на Општина Охрид нараснал за повеќе од осум милиони евра. Комулативно долгот на општината и сите општински јавни претпријатија изнесува околу 22 милиони евра.

На 07.02.2022 година во 17:30 часот пред угостителски објект на булеварот „Туристичка” во Охрид нарушен е јавниот ред и мир со физичка пресметка помеѓу Ј.С. (41), Н.А. (63) и М.Б. (58), сите од Охрид. 

ГРК Охрид докажа и покажа дека не се предава во трката за место кое води во плеј-офот. Пред зимскиот одмор, Охрид е на 5-то место и се впиша во плеој-оф фазата.