Со одлука на градоначалникот Кирил Пецаков за ВД директор на ООУ „ Климент Охридски“ е именуван Јордан Пуроски кој доаѓа на местото на Наташа Танеска.

Без електрично напојување се шест села од Горна Дебрца и неколку од струшкиот регион. Нема дојави од жителите за поплави или излевање на водотоци, а патните правци се проодни. Исклучок е локалниот пат за струшка Малесија каде што има наврнато над половина метар снег и е прооден само за теренски возила.

Со одлука на градоначалникот, Кирил Пецаков, за ВД директор на ЈП „Водовод“ Охрид е поставен Марјан Ристески.

Охридските советници имаа можност да бидат дел од обуката за транспарентност и отчетност која се одржа во Скопје.

Националната установа Библиотека „Григор Прличев“ со промоција на монографијата „Прличеви беседи – хроника на еден културен настан“ (1952 – 2022) од авторите: Милчо Јованоски и Гордана Змејковска се вклучува во традиционалната манифестација „Прличеви беседи“ 2022.

„ВОЛШЕБНА ЕЛКА“ е насловот на уште една хуманитарна акција што Црвен крст Охрид ќе ја намени за децата од социјално загрозените семејства. Во соработка со KAM Village, во просторот на овој Центар волонтерите на Црвен крст Охрид ќе накитат голема Новогодишна ВОЛШЕБНА елка, на која покрај обичните украси и лампиони, ќе бидат поставени и волшебни лампиони во кои ќе се напишани скромните новогодишни желби на децата од социјално загрозените семејства.

ЈП „Охридски Комуналец“ уште еднаш покажа дека се грижи за своите вработени. Синоќа беа поделени топли оброци и напитоци за сите лица кои беа вклучени во расчистувањето на снегот.

Со петнаесет точки на дневниот ред, од кои дванесет беа посветени на разрешување на старите и избор на нови членовите во Управните и надзорните одбори на јавните претпријатија, денес се одржа петтата седница на Советот на Општина Охрид.