Станува се побројно стадото елени од репродуктивниот центар во Националниот парк „Галичица“. Оваа година единки ќе бидат пуштени во дивина по претходна селекција. Од ЈУ НП „Галичица“ планираат да постават набљудувачница за стадото елени да го доближат до посетителите на паркот.

Согласно Програмата за заштита на животна средина и природа секоја година ќе се врши доделување на пластични канти од 120 л за селекција на отпад на домаќинствата на територија на Општина Охрид.

Охридските советници ги изгласаа измените на годишниот план за вработување на Општина Охрид за 2022 година. Со одлуката се предвидуваат нови 10 вработувања за кои опозицијата побара да се пополнат со унапредување на лица од постојните вработени во администрацијата. Секретарот на Општината со објаснување дека најголем дел од позицииите мора да се предвидат поради пензионирање на службеници и дека сите вработувања во планот не значи и дека ќе се реализираат. На денешната седница беа донесени 30-тина одлуки за вклопување бесправно изградени објекти, а беше и констатирана оставка на еден член на советот.

Општина Охрид објавува јавен повик за проектот : “Roads Not Taken: Municipality of Ohrid Going Green, Smart, Innovative (OHRID GO). Повикот е насловен како: ROADS NOT TAKEN # PC1- 1.1.1. , за ангажирање на лице за работа на административна позиција, проектен асистент – потребно е едно лице кое ќе биде ангажирано за период од 28 месеци со половина работно време.

Во вчерашното издание на српскиот весник Политика, директорот на АППТ, д-р Љупчо Јаневски после две години прави осврт и споредба на движењето на туристичката индустрија од почетокот на пандемијата до сега. При самиот почеток на пандемијата со Ковид 19, Јаневски изјави за Политика дека треба да се гради заеднички, регионален пристап за да зацели туристичката индустрија. Две години подоцна, туризмот почнува да ги регистрира првите резултати и да закрепнува.

На 8-ми и 9-ти декември 2021 година на подрачјето на СВР Охрид извршени се засилени акциски сообраќајни контроли. Санкционирани се 55 возачи.

Пациентите со механичка потпора од Здружението „Храбро срце” сеуште чекаат ослободување од партиципација за здравствените услуги. Велат тоа е старо ветување од министерството за здравство и екс премиерот Заев, кое требаше да се исполни од почетокот на годинава, но за жал сеуште е неисполнето.

Димитар Велјаноски поднесе неотповиклива оставка од местото советник во Советот на Општина Охрид.