„Многу работи кои ги кажа директорот на ЈП Охридски Комуналец се ноторна лага, невистина, клевета, елементарно непознавање и треба да ги дообјасниме“, истакна директот на Центарот за јавно здравје, Атансако Михаилов. Тој додаде дека пресс конференцијата во Комуналец била со цел замајување на јавноста и префрлување на вниманито на јавноста на друга страна, поради поскапувањето на цената на комуналните услуги и субвенциите од 14 милиони денари кои што ги доби ЈП, но дека сето ова нема ништо заедничко со Центарот за јавно здравје.

И на паркинзите во Охрид конечно ќе се воведе смс систем на наплата. Локалната веќе изготвува студија за спроведување на ваков систем, а набрзо ќе биде распишан и тендер за набавка. Во градов засега не е предвидено да се направат нови паркинзи иако потреба за тоа има постојано.

Охридските галеристи се чувствуваат привилегирано  во опкружувањето со уметнички слики и во  споделувањето на  синергијата помеѓу сликарите и конзументите на уметноста.

Сеуште се актуелни зимските услови во државава. Особено западниот дел се соочува со сериозни потешкотии поради наврнатиот снег. Во неколку наврати бевме сведоци на спасувања со хеликоптери, достава на лекови, храна или облека. Сепак дали вака треба да изгледа вистинското спасување од непристапен терен?

Директорот на ЈП „Охридски Комуналец“ Сашо Алче, нема намера да се извини на Центарот за Јавно здравје, поради изнесени лаги и клевети, како што вчера тоа од него го побара Атанаско Михаилов, директорот на оваа институција. Наместо тоа и тој се се закани со тужби.

Охрид ќе организира гастро тура. Врвни европски готвачи со мишелин ѕвезди ќе дојдат во градов за да ги збогатат мениата во угостителските објекти. Исклучиво ќе се користат домашни производи , а јадењета кои ќе се готват ќе бидат прилагодени на вкусовите на гостите.

На охридските ловни терени странците сакаат да ловат ама ситен дивеч, велат од Здружението на ловци од Охрид. Тие се и концесионери на  5 -те ловни терени, со кои ќе стопанисуваат во наредните 10 години со терените за ситен дивеч и 20 години со ловиштата за крупен дивеч.

Младиот охриѓанец Марко Пејчиноски успешно го заврши и новиот подвиг на релација Охрид до Струга и назад до Охрид.