Гласините дека сметките за гробарина ќе се намалат од ЈП нити ги потврдуваат нити ги демантираат, само велат дека досегашните сметки за 2011 година мора да се платат. Координаторот на ЈП „Градски Гробишта“ Драган Пандески вели дека има иницијатива за намалување на сумата за гробарина, но најпрво зелено светло за истата треба да даде Управниот одбор, а потоа и советот на општина Охрид.

Србите денеска го слават празникот Св Сава. Достојна почит на овој светец му оддадоа членовите на српското здружение „Коштана“ од Охрид. Св.Сава е светец кој има посебно значење во животот на Србите, вели претседателот на Коштана Среќко Стојановиќ.

Поранешната Детска специјална болница заминува во историјата. На оваа локација планирано е да никне елитна туристичка населба.

Медицинските сестри со Високо образование од ЈЗУ Општа болница-Охрид испратија писмо до Телевизија ТВМ како реакција на изјавите на директорот на Општа болница искажани во прилог за Дневникот од 06.02.2012.

Охридските угостители незадоволни од новите тарифи за поставување урбана опрема кој е ставен во предлог одлуката која треба да се разгледува на нареднава седница на совет. Тие ќе треба да плаќаат речиси двојно повеќе од тоа што досега плаќале за поставување столици и маси пред своите објекти. Од Здружението бараат да се најде некое решение на задоволство на сите засегнати страни, вклучувајќи ја и Општината.

Ќе бидат доделени грантови за набавка на опрема, алати и репроматеријали како и за стручно оспособување. Во Охрид, досега најголем интерес пројавиле козметичарите. Од старите традиционални занаети досега не се пријавил никој.

Деновиве во нашата редакција пристигнаа јавувања од  дијабетичари кои реагираат дека  има недостиг на инсулинска терапија. Станува збор за груба шпекулација со вистинската состојба  демантираат  од Центaрот за дијабет.

За Али Пашината џамија во Охрид ќе се дискутира на седница на Влада. Министерството формираше комисија од стручни лица составена од надлежните установи и Управата за заштита на културното наследство која ќе ги испита сите околности во однос на реконструкцијата на Али пашината џамија.