На крадците во Охрид одврзани им се рацете. ТВМ е директен сведок на соочување со крадец, за кој што полицијата досега нема преземено ништо. Дали крадењето како кривично дело има подеднаков третман во сите негови начини на делување? Крајно време е СВР Охрид посериозно да се заземе во решавањето на оваа девијантна појава.

Програмата за развој и поттикнување на туризмот на Секторот за туризам и локален економски развој  во оваа година тежи 12 милиони денари. Со овие пари предвидени се проекти кои ќе донесат поголем број гости годинава како и изработка на Стратегија за развој на туризмот на општина Охрид.

Владата сеуште нема објавено тендер за концесија, иако донесе ваква одлука пред еден месец. По седум години мораториум на Охридското езеро, ова е решението за да се зачува  рибниот фонд од понатамошно нелегално  ловење.

Охридските советници во петок ќе ги засукаат ракавите. Дневниот ред иако сиромашен, точките кои се најдоа таму се од исклучително значење за Охриѓани. Свое место таму како што беше ветено пронајде и контроверзната точка за изменување на одлуката за утврдување на висината на надоместокот за гробарина.

Потребно е формирање на Министерство за иселеништво затоа што процесот на иселување од Македонија кој започна на почетокот на минатиот век нема да запре, сметаат универзитетски професори. Засега во владата ќе се формира меѓуресорна група на министерствата за надворешни и внатрешни работи за прашањата поврзани со потребите на иселениците. Дијаспората е тема на меѓународната конференција „Охрид Водици 2018 година“ која се одржува во Охрид.

Стручниот тим кој работи во Подрачното одделение на Државниот архив во Охрид, е од голема помош за граѓаните. Најголем проблем со кој се соочуваат, потребата од стручен кадар.

Студениот бран кој ја зафати Македонија, предизвика проблеми во одржување на водоводниот систем. Од ЈП Нискоградба велат дека најмногу проблеми имало во водоводниот систем во зградите бидејќи истите не биле соодветно изолирани.

За зголемување на бројот на туристите на охридско- струшката ривиера хотелиерите очекуваат поддршка од Локалната самоуправа. Нивните барања ги доставиле до владата и охридскиот градоначалник. Со локалната самоуправа договориле заеднички настап на Белградскиот туристички саем кој треба да се одржи во февруари.