За инцидентот кој во петокот се случи во ресторанот „Фонтана“ денес до нашата редакција пристигна Отворено писмо од Илија Фармакоски упатено до Министерот за внатрешни работи и Премиерот на Владата.

Граѓаните се повеќе стравуваат да не бидат нападнати од куче. Не се проблем само кучињата скитници туку и домашните кучиња чувани во несоодветни услови. Само во изминатиов месец во државава имаше десеттина напади врз граѓани од куче. Стручните лица сметаат дека проблемот мора институционално да се речи.

„Невидлива Софија“ пред Охриѓани. Станува збор за изложба – проект на студентите Елена Героска од Македонија и Стефан Маринов од Бугарија, кои  се студенти по фотографија во Националната академија за театарска и филмска уметност НАТФИЗ во Софија. Изложбата е во организација на Центарот за културен проток “Артерија“.

Лицата кои тешко се движат и не можат да стигнат до службите на СВР Охрид за да ги заменат старите лични карти со нови биометриски ќе добиваат помош. Мобилна служба ќе доаѓа во нивните домови по пријава од страна на семејствата или старателите, нагласува портпаролот на СВР, Стефан Димоски.

Епидемиолошката состојба во државава е подобрена, но не и добра поради тоа што е зголемен бројот на нови ковид случаи меѓу децата од шест до 14 години. Комисијата за заразни болести со апел, граѓаните да примат трета доза вакцина, како најдобар начин за заштита од тешки симптоми, хоспитализација и смрт. Сертификатите за прележан ковид-19 остануваат да важат.

Охриѓанец налутен бидејќи не го пуштале да влезе на приватна забава во ресторанот „Фонтата“ во Охрид се заканувал со пиштол.

Се додека не се испита влијанието на животната средина, по забелешките на УНЕСКО, стопирана е реализацијата на проектите за изградба на патот од Струга до Требеништа.

Охридскиот градоначалник Александар  Петрески  не се откажува од идејата на Галичица да се изгради рекреативен зимски центар. Оваа идеја со години е само пуста желба на политичарите и охриѓани и никако  да стане реалност.