Слаинското езеро е целосно обраснато со вегетација, повремено го полнат обилните дождови и надојдените реки. Во 2018та година беше извршена санација на браната но за да може езерото да се користи за рекреативен риболов и туризам мора да се исчисти басенот и да се уреди просторот околу езерото.

На јавна расправа се одобрени активностите предвидени во Планот  за управување  со Национален парк Галичица за перидот 2021 – 2030. Без забелешки поминал и Нацрт Извештајот за Стратегиска оцена за влијанието врз животната средина.  Во  Програмите за управување со паркот се предвидени активности  кои овозможуваат заштита на природниот и културниот  биодиверзитет,  локален развој и  одржлив туризам. За двата документи граѓаните можат да доставуваат забелешки по писмен пат до крајот на месецов.

“Имунизацијата е една од најуспешните и најефикасни здравствени процедури и тоа досега многу пати го докажала историјата. Затоа, порачувам дека никој, а особено здравствен работник, не треба да се сомнева во тоа дали вакцинирањето е вистинскиот чекор за заштита на личното здравје, но и за сузбивање на ковид-19 пандемијата”, изјави проф. д-р Калина Гривчева Старделова, претседател на Лекарската комора, која како дел од здравствените професионалци ангажирани во еден од ковид центрите, ја прими првата доза од вакцината.

Деновиве започнаа работни активности за реконструкција на булеварот „Македонски Просветители“ согласно правосилно решение издадено од страна на Министерството за транспорт и врски бр.28 УП-208/2020 Е од 10.11.2020г.

Во текот на изминатото деноноќие (18/19.02.2021 година) на територијата на Република Северна Македонија, по однос на мерката за носење лична заштита на лице, регистрирани се 443 прекршоци.

Полициски службеници од ОВР Ресен вчера (18.02.2021) во периодот од 16 до 18.30 часот идентификуваа и извршија службен разговор со тројца малолетници од Ресен (двајца на 16-годишна возраст и еден- 14 години) во врска со објавениот видео материјал на социјалната мрежа „тик-ток“ на кое се сквернават гробови во овој град.

Работниците на ЈП„ Комунално-Струга“ неуморно работат на расчистување на остатоците од снегот кој деновиве падна во Струга, а кој претставуваше проблем за непречено одвивање на сообраќајот и движењето на луѓето во Струга.

Научниот ровер „Истрајност“ (Perseverance) на НАСА, најнапредната астробиолошка лабораторија во историјата испратена на друга планета, се пробил низ атмосферата на Марс и успешно слетал на дното на еден кратер, потврдија од американската вселенска агенција. На таа локација ќе биде и првата станица на која роверот ќе ја започне својата мисија, да бара докази за постоење на живот на Црвената планета.