Мирно и достоинствено празнување на големиот христијански празник Богојавление, Водици најави градоначалникот на Охрид, Јован Стојаноски. Подготовките за празникот се во полн ек.

Камбер Демирали на 24-ти декември го напуштил својот дом и од тогаш му се губи секаков траг. Неговото семејство изгубило секаков контакт со него.

На Охридските пензионери, но и матични лекари, не им се брза со електронските картички. Нашиот град е со убедливо најмал одзив на поднесени формулари за добивање на здравствените легитимации. Од Фондот за здравствено осигурување на Македонија апелираат до пензионерите побрзо да ги достават своите апликации или до своите матични лекари или до подрачната единица на Фондот.

Новиот кум, проф д-р Ванчо Чифлиганец го презеде кумството за верската манифестација Водици од стариот кум Лотески. Познатиот стопанственик е 10-от кум по ред,  избран од граѓанското здружение „Богојавление“ и е првиот кум што нема охридско потекло.

Во пожар што завчера избувна во куќа на Ристо Чадо, целосно изгоре приземјето на Роберт Николовски. Засега не е позната причината за пожарот, кој направи голема материјална штета и не му остави ништо на нашиот сограѓанин.

Ректорот на Универзитетот, Професор Доктор Златко Жоглев, истакна дека овој универзитет не е место каде само се репродуцираат знаења или се толкуваат одредени сознанија, туку е место каде се произведуваат нови знаења и сознанија.

Градоначалникот Константин Георгиески, денеска додели 43 таблет компјутери, наменети за ученици од социјално ранливи категории, за следење на наставата, по новиот концепт и програма за IV одделение.

Распродажби и попусти речиси во секоја продавница. Но, колку се тие реални и колку исправно се спроведуваат, ќе покажат контролите на пазарниот инспекторат.