Православните христијани утре ја слават Василица или  празник во чест на Свети Василиј Велики. Чествувањето започнува вечерва со палењето на обредните огнови и криењето под ритуалните маски, поради што овој празник редовно се наоѓа помеѓу православните црковни традиции и паганските верувања и обичаи.

Во рамки на одбележување на големиот верски празник Богојавление-Водици и Денот на рибарите, Црвен крст Охрид е вклучен со низа активности од областа на здравствено-превентивната дејност.

Завршена е тендерската постапка за доградба на објектот на централната детска градинка „Јасна Ристеска“. Избран е и  изведувачот, па проширувањето на објектот ќе стартутва годинава со подобрување на временските услови.

Во Охрид нема зголемен број на заболени од грип.  Од Центарот за јавно здравје велат дека се преземаат сите мерки за да не дојде до епидемија од ова заболување бидејќи се очекува кон крајот на јануари и почетокот на февруари бројката значително да се зголеми.

ЈП „Охридски комуналец“, предвреме ги собира новогодишните реквизити. Причина, синоќешното уништување и крадење на дел од нив.

Шаховскиот клуб „Ласкер“ Охрид одбележува јубилеј-10 години од своето постоење. Низ шаховската школа на овој клуб поминале над 200 деца кои покрај тоа што со учење на техниките на оваа игра го граделе својот карактер учествувале на бројни турнири на кои редовно се помеѓу најдобрите.

Ефикасни ЛЕД сијалици за заштеда во јавното осветлување. Општина Охрид ќе се приклучи на групата градови кои веќе ги осветлуваат своите улици со оваа технологија. Со јавен повик кој е веќе објавен на општинската веб страна, ќе се бара партнер кој ќе ни ги одржува светилките, но ќе ги осветли и улиците кои досега биле завиени во мрак.

Ретко кој граѓанин пали возило за градежниот отпад да го одложи на депонијата Буково. Продолжуваат старите навики од шутот да се ослободуваат растоварајќи го покрај патиштата. И понатака градежниот отпад се фрла во националниот парк Галичица, покрај патот кој води кон селото Велестово.