Ова е дилемата која се наметнува откако и јавно стана познат владиниот предлог. Целта на овој предлог според владата, е да се едуцираат малолетните лица, а со тоа во одредена мера да се зголеми безбедноста во сообраќајот.

Првообвинетиот Кристијан Шапкар не се појави и на денешниот главен претрес поради здравствени причини.

 Новата локална власт не се откажува од изработката на Стратегија за развој на туризмот која треба да ја изработи  Свис Контакт. Таа треба да е формален документ од кој ќе произлегува развојната програма за туризам. Со изготвувањето на стратегијата се доцни иако според најавите требаше да биде готова до јануари 2016, а да ја изработи швјцарската агенција за соработка  заедно со домашни туристички субјекти.   

Поради постоење на основано сомнение дека е сторител на кривичните дела „Предизвикување општа опасност„ и „Неовластено изработување, држење и тргување со оружје и распрскувачки материи„ СВР Охрид поднесе кривична пријава против А.М. (21) од населбата Велгошти.

Во втората половина од декември ќе почне проект наменет за повозрасните  охриѓани и стружани за кој се погрижи  Локалната Агенција за Развој од Струга. Нашите сограѓаните над 60 годишна возраст кои се осамени  ќе имаат можност да се дружат и да го подобрат квалитетот на животoт. Се предвидуваат бесплатни психофизички вежби, здравствени предавања, подготовка на здрава храна како и добивање знаења од областа на  правото.

Традицијата и вештините за изработка на ракотворбите, на младите средношколки им ја пренесуваа жените од центарот „Бисера“. Интересот за посета на оваа работилница беше голем, а се пренесуваа тајните на шиењето на носиите, везењето и плетењето. Изработените ракотворби потоа ќе бидат презентирани на отворена изложба.

За 4 години од кога започна да се применува Законот за слободен пристап до информации постојано има тенденција на зголемување на користење на ова право од страна на граѓаните. Тие најчесто на адреса на Локалната самоуправа упатувале прашања од областа на урбанизмот, комуналните дејности и  финасиите на општината, вели Васил Ложанкоски од Локалната самоуправа.

Се подобруваат условите за развој на спортот во градов. Деновиве на СРЦ „Билјаноини извори“ се реновираат соблекувалните и санитарните јазли. Со тоа се добива еден комплетно уреден дел на градскиот стадион, вели директорката на ЈП „Билјанини Извори“, Гордана Јованоска.