Жители од УЗ Стар град бараат да се  отстранат високите дрва од дворот на катедралната црква Св. Софија. Порачуваат додека не е доцна да се засадат нискостеблести дрвца и да не се повтори истата грешка од пред две години кога се исекоа високи дрва кои беа  опасни  за минувачите. Од Урбаната заедница бараат  за  хортикултурното уредување во дворот на црквата да се консултираат стручни лица. 

За десеттина дена ќе се знае каква ќе биде судбината на АД „ЕМО“ од Охрид. Новиот план за спасување на овој гигант, според вицепремиерот за економски прашања Пешевски, ќе го реши проблемот со неисплатените плати на работниците. За жал, како дел од решението Пешевски најави и отпуштање на повеќе од половина од вработените. Целта, според него, е со работа да продолжат единствено профитабилните дејности од претпријатието.

Своето седумдецениско постоење, една од најстарите македонски банки, го заокружи со ова престижно признание. Најдобар доказ за успехот, плејадата задоволни клиенти.

Охриѓани со  поддршка  преку спорт за малиот Јане кој боледува од спинална мускулна атрофија за да се подигне свеста за ретките болести. Очите на пациентите и нивните семејства  се вперени во државата да се зголеми буџетот за набака на лекови за ретки болести. Во Македонија се претпоставува дека има околу 2000 лица од кои 450  регистрирани  пациенти со ретки болести.

Ништо од средствата во износ од околу милион и петстотини илјади евра на адреса комуналии за изградба на проектот Плаошник.

Хит претставата „Грев или шприцер“ во изведба на драмскиот театар од Скопје пред охриѓани. Претставата за која се бара билет повеќе ќе биде изведена во центарот за култура Григор Прличев во сабота  благодарение на одличната соработка на Охридско лето, центарот за култура и Народен Театар Охрид и нивните заложби во Охрид да има културни збиднувања во текот на целата година.

На првиот училишен ден, градоначалникот Константин Георгиевски беше во с. Пештани каде во Општинското Основно Училиште „Св. Наум Охридски“ ги поздрави првоодделенците со желба успешно да запловат во Светот на знаењето, а општината ќе продолжи да ги подобрува условите за реализација на образовниот процес во Охрид и околината.

Нов директор на Агенцијата за промоција и поддршка на туризмот. Јордан Трајков, сопственик на приватната винарија „Попова кула“, доаѓа на местото на Зоран Стрезовски, кој оваа функција ја извршуваше од формирањето на агенцијата.