Варошани  не можат да интeрвенираат на семејните куќи заради старите ДУП планови. Тешко добиваат одобренија за било какви градежни интервенции. Во одредени делови од стар град има потреба од поправка на  калдрмата која се уништува од тешките товарни возила, посочуваат од урбаната заедница. Варошани бараат институциите да ги решат нивните комунални потреби. 

Општа слика која се прикажува за образованието во Македонија е дека квалитетот на истото е драстично намален. Сепак, дополнителни истражувања се потребни за да се утврди дали ова е навистина точно, велат експертите.

Од утре стапува на сила одлуката за намалување на периодот во кој е дозволено купувањето на алкохолни пијалоци. Временскиот интервал за купување на алкохол во текот на летните месеци беше продолжен до 21, а со оваа одлука повторно се враќа на 19 часот.

Малиот процент на решени барања во втората фаза од примената на Законот за третман на бесправно изградени објекти е индикатор дека постапката за легализација во Охрид оди бавно. Во втората фаза од примена на Законот за третман на бесправно изградени објекти, Локалната самоуправа на Охрид одговорила само на 4% од доставените барања за легализација.

Градоначалниците на Охрид и Струга го направија незамисливото. Се сретнаа со министри од владата и имаа конструктивен разговор. Но не само тоа.

Уште едно барање за кредитно задолжување на јавно претпријатие. ЈП „Градски гробишта“ побара 60 000 евра за тековни инвестиции. Ставот на советничката група на ВМРО-ДПМНЕ-јасен, кредитните задолжувања се поради неразумно работење и избрзани одлуки. Градоначалникот Петрески во одбрана на предлог одлуката за кредитно задолжување, вели овие кредити се потребни само додека новите јавни претпријатија застанат на свои нозе.

На ревијата „Направено во Македонија: Современ дизајн накитен со минатото”, најзабележителна колекцијата на модниот концепт РУМОР на охриѓаните Алек Бимбилоски  и Лејла Гогова. РУМОР полека но сигурно излегува од националните рамки и станува интересен и на светските ревии.

Годишните програми како и годишните извештаи за финансиското работење на основните училишта, тема на денешната седница на Советот на општината.