Советот на општина Охрид, денес, ја одржа четириесет и деветтата седница со единствена точка на дневен ред Предлог одлука за намера за реализација на проекти по пат на долгорочно домашно задолжување на општина Охрид во рамки на вториот проект за подобрување на општинските услуги (MSIP2). Советниците едногласно ја прифатија одлука.

Се забрануваат семејни собири, слави и прослави во домови.  Маската задолжително треба да се носи секаде, освен при спортување и децата до 6 години, предлага Комисијата за заразни болести како дел од новите мерки за спречување на ширењето на коронавирусот. Новите мерки се предложени бидејќи според анализите на институтот за јавно здравје и Комисијата  најголем број од новите случаи се од групирање на забави, семејни прослави и слични настани.

Денеска се чествува Свети Наум Охридски Чудотворец. Во манастирскиот комплекс се одржува утрена литургија и богослужба.

 Многу тешко е да се откријат несовесните граѓани, признаваат  и волонтерите  од здружението Еко фап кои расчистуваат разни видови отпад во градот и туристичките места.     

Граѓаните на Охрид бараат под итно да се стават во функција семафорите кај училиштето „Христо Узунов“. Светлосната сигнализација е потребна за поголема безбедност на сите учесници во сообраќајот. За овој проблем охриѓани алармираа во рубриката „Ти си твојот град“.

Министерството за образование и наука информира дека од почетокот на учебната година досега во изолација се вкупно 53 ученици и 8 наставници.

На Фејсбук страната на министерот за здравство Венко Филпче, како и на страната од социјалната мрежа на Министерство за здравство, осамна банерот со содржина: Не излегувај од дома без маска и Дали би излегол на дожд без чадор и Ова е новиот начин на живот.

Владина делегација составена од премиерот Зоран Заев, министерката за одбрана, Радмила Шекеринска, и министерот за надворешни работи, Бујар Османи, ќе го посетат седиштето на НАТО и ќе одржат работна средба со генералниот секретар на НАТО, Јенс Столтенберг.