Припадниците на противпожарните единици бараат враќање на законските решенија кои беа на сила до 2006 година со што ќе имаат бенефициран стаж  како полицајците, војниците и рударите. Велат дека низ годините им се нарушува менталното и физичкото здравје поради ситуациите на кои се изложени работејќи ја оваа ризична и тешка професија.. Воедно бараат и воведување на старосна граница при вработувањето.

Охриѓани многупати досега покажеле дека имаат големо срце, велат од Црвен крст Охрид кои го организираат овој настан со поддршка од актерот Никола Тодороски.  Апелираат до граѓаните да  донираат со симболична сума за влезница  и да бидат дел од настанот за собирање финансиски средства потребни Петар да замине на операција во Турција.

На следната седница на советот на општина Охрид ќе биде поднесена Иницијатива  за поголемо внимавање на   родовата сензитивност при кроењето на општинскиот буџет. Целта е јакнење на економската моќ на жената во општеството. Одговорното родово буџетирање може да помогне за надминување на родовата нееднаквост.

Поразителни податоци за физичкото здравје на децата. Секое трето дете има некаков деформитет а дури 60 до 80% од младите имаат почетен стадиум на лошо држење на телото. Лекарите советтуваат за навремена дијагностика и третан за болестите да не прогресираат.

Од следнава година нови анализи во Центарот за јавно здравје Охрид. Пософистицирано и побрзо утврдување на причинители на респираторни инфекции со помош на молекуларна дијагностика . Паралелно со воведувањето на нови методи и осовременување на постоечката и воведување нова опрема во центарот неопходна е и екипираност на персоналот,  за да се одговори на потребите на пациентите од поширокиот регион. 

Против лицето понесена е кривична пријава за неовластено производство и пуштање во промет на наркотични дроги, психотропни супстанци и прекурзори.

Акциски контроли во сообраќајот на СВР Охрид на цело подрачје кое го покрива секторот.

Студено време до средина на неделава.