Законот за заштита и благосостојба на животните не се почитува во Охрид. Посебно ова непочитување е изразено кога станува збор за чувањето на домашните миленици.

По само две недели работа, новиот градоначалник на Дебрца, Зоран Ногачески излезе со првичните податоци од направените анализи за финансиската состојба на општината.

Индивидуална станбена зграда која се гради во стариот дел на Охрид на местото познато кај Охриѓани како Видиковец, затрупува базилика и темели од црквата Св Тројца. Жителите од ул. Климентов универзитет очајнички бараат помош од надлежните со цел да се стопира градбата на овој габаритен објект. Велат се обративме до сите инспекциски служби, но реакција од никаде. Очигледно оваа градба има посебен третман, додаваат тие.

На последната седница на Советот на општината, не помина Одлуката за утврдување на цени за вонредно чистење на улиците, кое го врши Јавното Претпријатие „Охридски Комуналец“.

Триесетина охриѓани ќе добијат субвенции за ПВЦ прозори. На листата  граѓани од цела Македонија се 1100 баратели.  Граѓаните во наредниот период може да очекуваат на нивните сметки да се префрлат по 500 евра државни субвенции.  Субвенциите се доделени во согласност со принципот „прв дојден, прв услужен“.

Охридските пензионери, севкупни победници на републичките пензионерски спортски натпревари. 400 пензионери од 39 здруженија се натпреваруваа во 11 спортски дисциплини. Оваа година домаќин на шеснаесеттите по ред вакви натпревари беше кампот Ливадиште во Струга.

Наставниците кои во изминативе 5 години беа дел од проектот „чекор по чекор“, на средба во Охрид. Активностите кои се спроведоа се во рамките на проектот за основно образование на USAID,  финасирано од американската агенција за меѓународен развој и на иницијатива од фондацијата „Чекор по чекор“ од институтот отворено општество и од универзитетот од Кембриџ.

Мотористи од Македонија, Балканот и цела Европа по повод 8ми Септември, Денот на независноста на Македонија, на ревијално рели низ земјата. Заедно со Република Македонија, и ова рели слави свој 20 годишен јубилеј. Веќе се извозени две етапи од релито, а останува уште третата и последна етапа со што ќе се заокружи овогодинешното издание на мото-релито.