По краткиот застој продолжуваат градежни зафати врз Али Пашината џамија. Од Завод и музеј доправа ќе се произнесат за што поконкретно станува збор. Граѓаните пак, со свои размислувања за проектот со изградбата на 32 метарското минаре во охридската чаршија.

Според неофицијални информации 25 годишен притвореник од струшкото село Подгорци, некаде околу 20 часот и 30 минути бил пронајден мртов во неговата притворска ќелија, во охридскиот затвор, кога дежурната екипа се обидела да го разбуди за вечера.

Не се работи за недоразбирање, велат од Министерството за транспорт и врски. Добивме дециден одговор дека сопственик на спорната парцела била државата, без никакви забелешки во имотниот лист.

Ексклузивно за ова издание екипата на Импровокација има нов член, кој засега не се открива.

Концесионерите и годинава остана незаинтересирани да склучат договори со Комуналец за подигање на сметот. И Министерството за животна средина оваа сезона не одобри пари на комуналец за чистење на плажите кои државата ги издаде под закуп.

За ваквата состојба свесни се и двајцата градоначалници на Охрид и Струга, кои ги спојува ова претпријатие. Решението лежи во средба со државни претставница смета Дејан Паноски, советникот на ВМРО – ДПМНЕ, од Охрид.

ЦЗЈЗ ќе врши мапирање на сите артерски чешми од кои ќе се земаат примероци кои ќе се испитуваат еднаш месечно, а податоците ќе бидат редовно ажурирани на веб страната на центарот. Ќе има и посовремена можност за граѓаните да видат со каков квалитет е водата што ја пијат од конкретна чешма. Мапирање ќе се прави и на јавните капалишта во градов. Од наредното лето резултатите од испитувањето на квалитетот на езерската вода ќе бидат јавно прикажани на панели поставени на самата плажа.

Туристичката агенција “Фибула Аир Травел“ со подетално објаснување на условите за изградба на елитниот хотел со 5 ѕвезди, кој треба да изникне најдоцна за 6 години. Вкупната вредност на инвестицијата се движи од 50 до 60 милиони евра, а се очекува повеќе од 500 нови вработувања.