Од  Ј.П.„Охридски Комуналец” апелираат до граѓаните да се дислоцираат паркираните возила од главните сообраќајници и тесни улици за во случај на потреба да може непречено да се интервенира со специјалните возила за чистење на снег.

Бочварски, Рустеми и претставници на БЕХТЕЛ и ЕНКА во Охрид се сретнаа со директорот на албанската Управа за патишта.

Министерството за одбрана веќе склучи договор со фирма изведувач која покрај реконструкција на дрвената платформа ќе изведе и потпорен sид за спречување на појава на свлечишта.

По целосно документирање на настаните, против лицата ќе бидат поднесени соодветни пријави, информира портпаролот на СВР Охрид Стефан Димоски.

ПСС Охрид оваа зима нема да интервенира при заглавени возила на забранетиот пат кон Галичица. Оние кои не ги почитуваат сообраќајните правила и самоиницијативно возат од Корита кон Ресен ќе подлежат и на казни. Лани ПСС интервенирала при 38 повици за заглавени возила во НП Галичица.

Покрај институциите и граѓаните треба да покажат поголема свесност за зачувување на природното и културното наследтсво, алармира научната фела. Унеско е бренд, заштитен знак и еден од основните мотиви за привлекување на се поголемиот број странски гости од целиот свет. Токму затоа и институциите и населението заеднички треба да се вклучат во зачувување на статусот на Унеско.

Државата која ги формира цените на струјата и водата да ги превземе од Општина Дебрца ингеренциите во делот на водоснавбдувањето, бара Градоначалникот Ногачески, откако по трет пат, поради неплатен долг, ЕВН ги исклучи од напојување пумпните станици во општината. ЈКП Дебрца наплатува најниска цена на вода, а на ЕВН и плаќа индустриска цена за струја со што состојбата е невозможна, резигнирано вели Ногачески.

Здруженија за заштита на животните алармираат дека во околината на Охрид, во месноста Мауцкер се организираат борби со кучиња. Тие посочуваат дека рингот за крвопролевање на недолжни битија е поставен веќе две години, се кршат низа закони, но нема реакција од надлежните и санкционирање на организаторите. Бараат полицијата итно да реагира. Брза институционална реакција побара и Градоначалникот на Охрид, Кирил Пецаков. Од СВР Охрид денеска излегоа со соопштение дека се преземаат интензивни контроли на целото подрачје кое го покрива секторот, но дека досега немало официјално доставена пријава за борба со кучиња.