Зафатите ќе се со средства од Европската унија. Охридската ЛС треба да изгради пречистителни станици во Трпејца и Љубаништа за делот од  охридското крајбрежје каде што не можно да се поврзе колекторскиот систем. 

Охридското Езеро денес на 693,16 м.н.в, 17 сантиметри под месечниот просек. Нивото на водата во Охридското Езеро денес останува под просекот за овој период од годината.

Во текот на изминатото деноноќие (21/22.09.2020 година) на територијата на Република Северна Македонија по однос на мерката за неносење лична заштита на лице регистрирани се 597 прекршоци.

По повод одбележувањето на Светскиот ден на борба против Алцхајмеровата болест, во Кабинетот на Претседателот на Република Северна Македонија се одржа стручно предавање од областа на медицината чија цел е подигнување на свеста за постоењето на Алцхајмеровата болест преку едукативни предавања.

Учебната година ќе може да почне на 1 октомври и со настава од далечина, откако доцна синоќа Собранието ги донесе измените и дополнувањата на законите за основно и за средно образование. Законот за изменување и дополнување на Законот за основно образование беше донесен со 61 глас „за“, ниту еден „против“ и 28 „воздржани“.

Утре со почеток во 12 часот ќе се одржи конститутивна седница на новиот Совет на Општина Охрид.

Секторот за комунални дејности, сообраќај и улици при ЛС треба да подготви проект со кој ќе го средува просторот за поставување на монтажна болница во кругот на Општа болница. Деновиве ќе се знае колку ќе ја чини општината овој зафат. Според договорот со Министерството за здравство општина Охрид треба да учествува во поставување на болницата која е дел од подготовките на здравствениот систем за есенскиот бран од корона вирус.

Околу 8 милиони денари ќе се издвојат од општинскиот буџет за  ИТ опрема  и  поквалитетен интернет за училиштата. Денес беше одржана седница со предлог одлуки за пренамена на средства во образовниот процес за оваа намена.  Одлуката беше поддржана и од опозицијата.