Агенцијата за вработување мака мачи во обидот да им помогне на невработените лица. Тие спроведуваат серија проекти со цел намалување на бројот на невработени во овој регион, но се чини мала е заинтересираноста кај невработените. Често е потребно и преквалификување на невработените поради специфичните барања на пазарот на труд.

Во Охрид и понатаму е голем процентот на случаи на семејно насилство. Жртвите се најчесто жени, а во многу помал број мажи. Од СВР Охрид репресивно делуваат при сторени вакви казнени дела, но напоредно работат на превенцијата и едукација на населението како да се заштити и каде да пријави доколку се сооочи со ваков вид на насилство.

Последното порибување со 30.000 единки подмладок на јагула ме поттикна да реагирам и да препорачам до  раководоството на  Елем  во иднина езерото да се порибува само со женски јагули, вели независниот екологист и дипломиран инжинер агроном Лазо Наумоски.

Жителите на улицата Кузман Капидан, која води до Самоиловите тврдини се жалат дека веќе две недели нивната улица стои раскопана. По зафатот на водоводната линија, раскопот само бил покриен со земја, но не бил вратен во првобитната положба. „Тешко е да се разминуваат автомобилите, а и секојдневно се гушиме во прашина.“-велат тие.

Доаѓа зимата и студеното време и намалувањето на имунитетот. Препораките за зајакнување на имунитетот за претсојниот зимски период се внесување на здрави органски намирници богати со витамини. Охриѓани се повеќе се свртуваат кон консумирање на здрава органска храна.

Наредниве два дена на улиците низ Охрид, публиката ќе може да ужива во мултидисциплинарниот перформанс на Истражувачкиот театар Ателјекончон од Бергамо од Италија.

Колку е стручна грижата за пловните објекти во Охридското Езеро?

Масовна вакцинација против грип во Охрид. Секоја година оваа активност ја организира Центарот за јавно здравје од Охрид. Годинава за таа цел набавени се 3 000 вакцини. Вакцинирањето е превентивно и се препорачува за лица со зголемен ризик за заболување од грип и можни компликации од истиот, нагласува епидемиологот д-р Јованка Стурлакова Коровешоска.