Свикана петтата седница на Советот на Општина Охрид на ден 13.12.2021 година (понеделник) со почеток во 09:00 часот. Седницата ќе се одржи во зградата на Општина Охрид.

Граѓаните релативно задоволни од здравствените услуги. Ова го покажа анкетата на ТВМ телевизија спроведена изминатите месеци преку рубриката „Ти си твојот град“. Поголемиот дел од испитаниците, дури 80% повеќе му веруваат на приватното здравство во однос на јавното, а останатите 20% не веруваат ни на едните, ни на другите.

Денес, на работна средба со градоначалникот Кирил Пецаков, беше Министерката за култура Ирена Стефоска. На средбата беше разговарано за активностите што се реализираат како и за активности кои треба да се преземат во насока на зачувување на статусот заштитено подрачје од УНЕСКО.

Направена е анализа за изгледот и состојбата на секој објект, а ќе следува изработка на Правилник кој ќе ја даде визијата како да изгледа Охрид во иднина. Првично ќе се стартува со пилот проект со избрани шест дуќани на кои ќе им се заменуваат излозите со соодветна дограма.

Потпишан Договор за имплементација на проект од грант програмата за човекова безбедност од Јапонската влада со општина Охрид и Општа болница Охрид. Станува збор за вредна донација на мобилен дигитален рендген апарат за хируршкото одделение при Општа болница. Ова е втора голема донација од јапонскиот народ за охридската болница по набвката на амбулантно возило.

Во конкуренција од преку 25 илјади учесници од 75 земји од целиот свет, 59 ученици кои ја следат интернационалната Бреинобреин програма во Центарот за развивање на животни вештини БОБ-Црвен крст Охрид ќе учествуваат на 7-от Меѓународен Бреинобреин натпревар кој ќе се одржи на 29 јануари 2022 г. на онлајн платформа.

Со усвојување на нацрт буџетот на денешната седница на Советот на Општина Охрид започна постапката за донесување на општинскиот буџет за 2022 година. Опозицијата гласаше воздржано за најголем дел од нацрт програмите со надеж дека забелешките ќе бидат земени во предвид во финалната верзија на буџетот. На денешната седница покрај нацрт развојните и годишни програми од разни сфери, поминаа и 22 легализации на бесправно изградени објекти.

Свикана 4-тата седница на Советот на општина Дебрца. Седницата ќе се одржи на ден 28.01.2022 година (петок), со почеток во 13:00 часот, во салата за седници на Советот на општина Дебрца.