Од утре секој кој ќе сака да се движи во границите на паркот ќе мора да добие соодветно одобрение од дирекцијата на Националниот парк „Галичица“ за престој или посета на паркот.

Центарот за јавно здравје воведува  новини во вакцинирањето против сезонски грип. Мобилни екипи ќе вршат имунизација бесплатно во домовите на старите,  немоќни лица и инвалидите. Хумани охриѓани донираа бесплатни вакцини против сезонски грип за социјално загрозени лица. 

Непознато името на заменикот  на досегашниот советник за образование Митре Велјаноски кој стана пратеник во законодавниот дом. Од кабинетот на градоначалникот не откриваат кој ќе биде новиот советник.

Од 20 јули до 20 август стапува на сила ограничувањето на пловидбата на пловните објекти на Охридското, Преспанското и Дојранското езеро. Забраната се однесува на пловните објекти „скутери“ кои се со јачина поголема од 45 kW кои можат да пренесуваат максимум 3 лица.

Правилниот раст и развој на децата преку спортување во фокусот на денешната прес конференција на Сашо Ставрески кандидат за советник од СДСМ и Коалаицијата. Ветуваат создавање на модерен спортски комплекс во рамки на СРЦ „Билјанини Извори“, спортска структура и вложување во нови училишни спортски сали.

На шест локации во градот се поставени 24 јавни мобилни тоалети. Граѓаните и туристите ќе може да ги користат на локациите кај Горна Порта, во центарот на градот , во близина на мостот, кај  спортско рекреативниот центар Билјанини извори.

Децата со дијабетес од целиот свет на летен едукативен камп во Охрид. Кампот е под покровителство на Дистрикт 132 од Македонија на Лајонс Интернешнел. Тие во Охрид ќе престојуваат десеттина дена, а покрај забавата и рекреацијата, заедно со искусен медицински тим, ќе учат како да живеат подобро и да се справуваат со оваа болест.

11 Октомври е ден од Македонската историја, кој не само што е симбол на Македонската борба за слобода, туку е и ден кога е поставен еден од темелите на македонската државност. Граѓаните на Охрид си спомнуваат за нивниот придонес во втемелувањето на македонската државност преку Народноослободителната војна.