Младите во Охрид се жртви на манипулација, обвинува Илија Арнаудоски кандидатот за советник од листата на ВМРО- ДПМНЕ и коалицијата За подобра Македонија. Вината за иселувањето на младите од Охрид тој ја префрли на СДСМ Охрид за време на нивното владеење од 2007 до 2012 година.

Осмоодделенците Теодора Бујароска и Виктор Домазетоски го освоија Кипар. На математичката олимпијада која се одржа од 19ти до 24ти Јуни тие освоија второ и трето место во остра конкуренција. Денес нив ги прими градоначалникот Петрески кој го изрази своето воодушевување од постигнатиот успех и им вети и понатамошна подршка во сите нивни подвизи.

Судскиот совет при Основниот суд во Охрид и на младиот капетан и на второобвинетиот Бранко Баиќ, им  изрече казна во траење од една година.

Студенчишкото блатото е последниот филтер на Охридското Езеро и неопходна е иницијатива за негово спасување. Денес охридските социјалдемократи во рамки на својата предизборна кампања го промовираа проектот „Спас за Студенчишкото Блато“ со кој проект се предвидувало зголемена заштита на рибниот фонд со посебен осврт кон преземање мерки за заштита на ендемичната охридска пастрмка.

Учесниците на Фестивалот на француски филм во пријателска средба со новинарите. Тие проговорија за четвртото по ред издание на овој веќе традиционален фестивал, но и за сензибилитетот на охридската публика, наспроти оној на француската. Тие велат, целта на овој фестивал е овдешната публика поблиску да се запознае со француската кинематографија, која е втора во светот.

Бројот на пловни објекти во езерото од година во година е се поголем, но бројот на регистрирани, се намалува.

Инвестирањето во спорт за сите генерации секогаш е неопходно за здрав и правилен физички развој, истакна д-р Митко Тилевски кандидатот за градоначалник на ВМРО – ДПМНЕ и коалицијата За подобра Македонија. Во таа насока тој најави изградба на нови детски игралишта како и реконструкција на неколку спортски терени во општина Охрид.

Со звуците на зурлата и тапанот и играта на  популарното  македонско  оро „Тешкото“ од  професионалниот ансамбл „Танец“, на сцената на Долни Сарај ќе отпочне јубилејното издание на Балканскиот фестивал за народни песни и игри.