Охридскиот Историски архив ќе се отвора за јавноста. Подготвуваат изложбен салон каде што ќе се изложуваат документи и слики од ризницата на архивот. Од историскиот архив апелираат граѓаните кои поседуваат документи од значење на градот да им ги предадат за соодветно зачување од забот на времето.

Курајчани се надеваат дека селскиот водовод наскоро ќе го преземе  ЈП Водовод. Советот на Општина Охрид задолжи формирање на мешовита Комисија која ќе испита во каква состојба се изворите и водоводот во селото. Од месната заедница тврдат дека водоводната мрежа  е во одлична кондиција.

Градоначалникот Зоран Ногачески информира дека се исчистени депониите во месноста „Селиште“, кај црквите Св. Василиј, Св. Јован и Св. Атанасија во село Белчишта.

Во соработка со Министерството за Здравство, Општата болница во Струга постави модуларен Ковид центар.

Министерството за труд и социјална политика (МТСП), соопштува дека согласно со Законот за празниците на РМ („Службен весник на РМ”, бр.21/98 и 18/07), среда, 6-ти јануари 2021 година, Бадник, ден пред Божиќ, е неработен ден за граѓаните од православна вероисповед во Република Македонија.

Поради изведување на градежни активности (минирање) на патниот правец А2 Кичево-Охрид, кај селото Врбјани, денес ќе има прекин во сообраќајот од 10 до 15 минути, во периодот помеѓу 12:00 и 15:00 часот, информираат од АМСМ.

Во Петриња загина 13-годишно девојче, додека во селото Мајске Пољане во Глина загинале уште четири лица. Во Петриња куче најде жена под урнатините и нејзиното спасување е во тек.

Советниците од опозицијата побараа да не се усвојува решението за зголемување на цената на водата за пиење. Градоначалникот според законските обврски мора оваа точка да ја стави пред советниците кои ќе одлучат дали ќе дадат или не согласност за промена на цената. Лично смета дека за цената на водата за пиење не треба да решава Регулаторна Комисија туку градските советници.